Koo Ba Koo Phail Gai Baat Shanasai Ki

ku-ba-ku phail gai bat shanasai ki

us ne khushbu ki tarah meri pazirai ki

kaise kah dun k mujhe chor diya hai us ne

bat to sach hai magar bat hai ruswai ki

wo kahin bhi gaya lauta to mere pas aya

bas yahi bat hai achi mere harjai ki

tera pahlu tere dil ki tarah abad rahe

tujh pe guzre na qayamat shab-e-tanhai ki

us ne jalti hui peshani pe jo hath rakha

ruh tak a gai tasir masihai ki

abhi bersat ke raton main badun totta hai

jag uthti hain ajab khuwahishin Ungerai ki

is qadar musalsal thi Shiddatein Judai Ki

Is qadar musalsal thin shidaten judai ki

aaj pahali bar main ne us se bewafai ki

Warana ab talak yun tha khwahishon ki barish main

ya to tut kar roya ya gazalsarai ki

Taj diya tha kal jin ko hum ne teri chahat main

aaj un se majburan taza ashanai ki

Ho chala tha jab mujh ko ikhtilaf apne se

tune kis ghari zalim meri hamnawai ki

Tanz-o-tana-o-tohmat sab hunar hain naseh ke

aap se koi puche hum ne kya burai ki

Phir qafas main shor utha qaidiyon ka aur sayyad

dekhrna uda dega phir khabar rihai ki

Ahmad Faraz